2026首爾9間1人SPA/搓澡專門店總整理

Hello，我哋係由韓國人每日提供最新韓國旅行資訊嘅Creatrip。

講起搓澡，大家可能會諗起汗蒸幕幫你捽老泥嘅阿珠媽XD 但住咗喺韓國超過7年嘅小編發現，最近韓國多咗好多可以獨享私人時光嘅1人SPA/搓澡專門店！比起汗蒸幕更有私隱，而且除咗搓澡仲會包括各種美容護膚療程，可以話一舉多得！

想去除老廢物質、促進血液循環、令皮膚更白滑，同時療癒身心靈嘅話，不妨參考今日小編幫大家整理嘅呢篇blog啦！

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

韓式搓澡/按摩介紹&推薦

韓式搓澡係咩嚟？

搓澡韓文叫做「세신」，變返做漢字就係「洗身」，係一種好傳統嘅韓國美容方法。做法係先喺熱水浸到成身暖笠笠，之後用專用手套慢慢搓走皮膚表面嘅老廢物同角質。

呢個方法唔單止可以促進血液循環、加快新陳代謝，仲可以令皮膚即時變得白淨，所以好多韓國人都會定期去做，係一種自我提升/護理嘅療程。

而家仲有啲新派嘅私人搓澡專門店，裝修夠靚之餘感覺就好似去咗Spa一樣咁舒服，吸引咗唔少遊客同埋注重美容嘅女仔去試！

私人搓澡有咩咁特別？

頭先都有提到，傳統嘅韓國搓澡通常會喺汗蒸幕搵到。但係要大庭廣眾剝光豬，唔少朋友應該會覺得好尷尬，而且同「relax」呢個字都距離頗遠，所以最近就韓國就開咗好多行預約制嘅1人搓澡/SPA專門店，等大家可以安心搓澡，同時享受舒服嘅時光。

私人搓澡專門店優點

• 全部都係獨立房同預約制，完全唔洗擔心會俾人望住
• 一對一專人服務，仲會根據你皮膚狀況同喜好做最啱你嘅treatment
• 會用更加高級嘅保濕鎮靜產品
• 幫你準備買洗頭水、護膚品、毛巾、風筒等等，唔洗自己準備
• 就算係孕婦或者皮膚敏感嘅人都可以做專用療程

仲有，啲Salon好多都好注重燈光同裝修，成個環境好似Spa咁舒服，真係好療癒。私人搓澡唔單止係美容護理，仲係一種放鬆自己、獎勵自己嘅享受，絕對值得一試！

私人搓澡體驗流程係點？

大部分私人搓澡體驗都需要提前預約，預約當日記住準時去到，之後可能要填一份簡單問卷，或者check下身體狀況。

房入面有自己專用嘅淋浴間或者浴缸，等大家可以先暖水沖涼或者浸浴，令成個身體可以變暖之餘仲可以打開毛孔，之後死皮同老廢物都可以容易啲搓走！

療程師會用專用嘅搓澡手套（搓澡巾）幫你慢慢捽走老廢角質同污垢，亦會根據你皮膚情況調整力度，所以怕痛嘅人都唔使擔心。

有唔少鋪頭仲會將做facial或者洗頭服務都包埋喺套餐入面，之後仲可以加精油按摩、敷mask、保濕護理等等，用嘅產品都係天然草本或者高級精華，美容效果一流！

成個療程完咗之後可以再沖個涼，好多地方都會提供基礎護膚品、lotion、風筒等等，自己唔帶嚟都冇問題（當然如果你本身皮膚比較敏感都可以帶自己用開嘅product）。之後仲可能會提供熱茶同茶點俾大家盡情放鬆同休息！

首爾精選1人搓澡&SPA

1. DANPOONG_{(단오풍정)}

總店

• 地址：서울 성북구 고려대로13길 10-3
• 前往方法：安岩站（안암역）1號出口

韓屋店

• 地址：서울 성북구 동소문로25길 13
• 前往方法：誠信女大站（성신여대역）6號出口

最近「DANPOONG」韓屋店超受歡迎，除咗鋪頭係古典嘅韓屋建築，呢度仲會好貼心咁根據你想護理嘅部位幫你安排客製化服務，手勢又細心！仲可以自己揀鍾意嘅香薰精油嚟按摩，或者用麻糬泡泡搓澡，成個人由內到外都可以放鬆~ 一齊睇下小編之前去體驗嘅記錄啦：

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

💡小編小貼士：推薦大家去韓韶禧都去過嘅韓屋店，環境更悠閒舒服

💭DANPOONG顧客真實評價

更多真實評價&預約詳情👇🏻

[스팟] DANPOONG（韓屋店）

[스팟] DANPOONG（總店）

2. Seian_(세이안)

弘大延南店

• 地址：서울 마포구 동교로29길 64 2F
• 前往方法：弘大入口站（홍대입구역）3號出口

東橋店

• 地址：서울 마포구 동교로 197 2F
• 前往方法：弘大入口站（홍대입구역）2號出口

「Seian」兩間分店都位於弘大入口站附近，鋪頭入面嘅燈光、香味、音樂全部都好治癒，成個環境超級放鬆。香薰按摩可以揀上半身或者下半身，腳部護理仲有清涼成分，幫你消腫同趕走疲勞，做完一身輕。

[이미지 슬라이더]       

小編之前有去過「Seian」延南店體驗韓式搓澡，當時記得好早就去到，但已經有客人做緊療程！放好隨身物品之後就會先去浸浴，浴鹽可以自己揀香味，小編就揀咗檸檬味，一邊飲茶一邊享受暖笠笠又療癒嘅時光。

之後就會由專業療程師姨姨幫手搓澡、按摩、洗頭同敷面膜，療程比想像中豐富，而且每一個step都會令人好放鬆、舒緩疲勞。小編當時咁啱係超忙嘅時候，朝早抽咗段時間去做完之後覺得好舒服，亦都有消除壓力同疲勞嘅效果，超滿足！

💡小編小貼士：呢度為各位女士們準備咗M巾同棉條，就算M到都可以安心去做！

💭Seian顧客真實評價

更多真實評價&預約詳情👇🏻

[스팟] Seian（弘大延南店）

[스팟] Seian（東橋店）

3. ONA_(온아)

明洞1號店

• 地址：서울 중구 명동4길 31 B1F
• 前往方法：明洞站（명동역）6號出口

明洞2號店

• 地址：서울 중구 명동8가길 6 3F
• 前往方法：明洞站（명동역）6號出口

位於明洞嘅「ONA」提供1對1度身訂造嘅護理療程，而且只會用瑞士高級香薰品牌JUST、有機荷荷巴油等頂級原料，就算皮膚敏感或者有濕疹都可以安心體驗！

[이미지 슬라이더]        

※體驗時需要全身除衫，因為需要進行拍攝所以著咗泳衣

呢度以服務親切、環境乾淨出名，呢度唔會好似汗蒸幕咁要一齊除衫沖涼，更衣室同療程室全部都係單人獨立房，唔洗怕醜或者怕尷尬！浸熱水浴，將死皮浸軟之後就會開始進行搓澡，可能係因為療程師夠細心同手勢好，所以唔會痛（但出咗好多死皮XD）。

之後會用泡泡擦拭全身，軟綿綿勁舒服~ 然後就會去沖身，進行香薰按摩。按摩前會問清楚力度同邊度需要/想按多啲，小編因為長坐office用電腦，肩頸肌肉僵硬、小腿又浮腫，所以就叫按摩師幫手集中按呢兩個部位，按完真係鬆咗好多，血液循環更順暢！

💡小編小貼士：皮膚本身比較敏感，但又想體驗韓式搓澡，推薦去呢度！

💭ONA顧客真實評價

更多真實評價&預約詳情👇🏻

[스팟] ONA（明洞）

[스팟] ONA（明洞2號店）

4. DAILY&SPA_{(데일리앤스파)}

• 地址：서울 관악구 봉천로 446 2F
• 前往方法：首爾大入口站（서울대입구역）6號出口

「DAILY&SPA」嘅最大優點係可以根據你皮膚類型、當日狀態同心情，自己揀用咩產品同護理方法，打造屬於你自己嘅個人SPA體驗。搓澡種類、洗頭水、浴鹽、面膜等等都可以自由配搭，加上療程師專業手勢同細心服務，做完成個人都超級放鬆。

[이미지 슬라이더]        

※體驗時需要全身除衫，因為需要進行拍攝所以著咗泳衣

去其他搓澡專門店通常浸浴都係用浴鹽，但呢度好特別嘅係會加埋草本茶，而且浴鹽都係自家製嘅天然產品，對皮膚更好！「DAILY&SPA」仲有埋腳膜，搽一層厚厚嘅cream之後用暖毛巾包住，做完之後腳真係會覺得比較輕鬆舒服，啱曬旅行途中要行好多路嘅朋友們。

💡小編小貼士：體驗後填寫Creatrip評論，即可免費獲得麻糬泡泡沖涼液1支！

💭DAILY&SPA顧客真實評價

更多真實評價&預約詳情👇🏻

[스팟] DAILY&SPA（首爾大入口）

5. Spa Bidan_{(스파 비단)}

• 地址：서울 강서구 화곡로44가길 39 B1F
• 前往方法：禾谷站（화곡역）3號出口

「Spa Bidan」套餐選擇超多，用嘅產品全部都係精挑細選，例如死海天然浴鹽、瑞士天然草本油、德國高濃度美容精華油等等，高質又溫和，護膚效果一流。

💡小編小貼士：位於金浦機場附近，距離仁川機場都只係45分鐘左右，可以到埗/離開韓國之前去！

💭Spa Bidan顧客真實評價

更多真實評價&預約詳情👇🏻

[스팟] Spa Bidan（江西）

6. DAMDA_(담다)

• 地址：서울 마포구 양화로7길 70 4F
• 前往方法：合井站（합정역）2號出口

「DAMDA」將韓國傳統搓澡文化現代化，帶嚟特別療癒體驗！唔單止可以搓澡，仲可以浸浴，夠曬暖笠笠仲可以洗走疲勞同壓力，身心都可以refresh！而且環境夠安靜療癒，可以享受屬於自己嘅休息時間，徹底放鬆！

💡小編小貼士：附近就係望遠市場，大家可以體驗完之後去韓國傳統市場參觀同食街邊小食！

💭DAMDA顧客真實評價

更多真實評價&預約詳情👇🏻

[스팟] DAMDA（弘大望遠）

7. Sooryeon_(수련)

• 地址：서울 중구 다산로36길 11 2F
• 前往方法：新堂站（신당역）6號出口

「Sooryeon」好重視私人空間嘅舒適度，而且所有護理都係專為女士設計，服務夠貼心。搓澡師經驗豐富，唔會痛之餘效果顯著！

💡小編小貼士：預約平日08:00~13:00時段，即可於現場享用91折優惠（公眾假期除外）。

💭Sooryeon顧客真實評價

更多真實評價&預約詳情👇🏻

[스팟] Sooryeon（新堂）

8. Spa Heum_{(스파 헤옴)}

• 地址：서울 강남구 언주로 311 로즈1타워 B1F
• 前往方法：漢堤站（한티역）6號出口

療程當中用嘅所有產品都係自家製，有效補濕、鎮靜，就算係敏感肌都可以安心！療程師全部都經驗豐富，手勢好之餘夠細心！仲可以調節溫度，怕凍或者係孕婦都可以安心去做。

[이미지 슬라이더]           

小編之前有去過，發現「Spa Heum」入面有浴缸同乾式桑拿，冇喺其他地方見過！另外最特別嘅係會用到真·牛奶，浸浴同搓澡之後就會將牛奶搽喺全身，療程師話咁做可以達到保濕同美白效果，因為小編本身皮膚比較乾燥，做完之後真係覺得皮膚有變滑同水潤。

另外按摩真係好舒服，療程師話佢做呢行已經做咗一段長時間，所以可以feel到佢有幾細心同識控制力量，特別係因為會沿住淋巴按，促進體內毒素同廢物排出，按完非常放鬆。

💡小編小貼士：一開始可以揀浸浴或者做乾式桑拿，大家可以按照喜好揀！

💭Spa Heum顧客真實評價

更多真實評價&預約詳情👇🏻

[스팟] Spa Heum（江南）

9. Slick_(슬릭)

• 地址：서울 은평구 은평로 137 B호
• 前往方法：鷹岩站（응암역）4號出口

Slick係得到恩平區廳認證嘅「優秀浴場」，衛生同服務都通過嚴格標準。熱水浴加搓澡按摩可以促進血液循環，搓老泥去角質，皮膚變得又滑又清爽，平時積聚嘅疲勞都會一掃而空！呢間比較特別嘅係男女都可以去體驗，男士們都可以去搓泥鬆一鬆！

💡小編小貼士：因為呢度唔係女士專用，所以情侶或者獨旅男士都可以去！

💭Slick顧客真實評價

更多真實評價&預約詳情👇🏻

[스팟] Slick（恩平）

韓國1人搓澡&SPA要點揀？（比較表）

睇完介紹都仲十五十六緊，唔知去邊度體驗好？小編幫你整理出一個比較表，睇下邊間最啱你啦！

韓國1人搓澡&SPA常見問題FAQ

Q1. 基本搓澡價錢大概幾多？

A：首爾1人搓澡SPA基本療程一般約為₩80,000-150,000_{(80000-150000)}，如果會加購精油按摩或者面膜等療程，通常會再貴₩20,000-50,000_{(20000-50000)}左右，視乎店舖同療程內容而定。

Q2. 做療程時需唔需要除曬衫？身體會露出到咩程度？

A：大多數情況下需要除衫進行療程，不過通常會按流程遮蓋部分身體，盡量減少尷尬情況。

Q3. 會唔會提供即棄內褲或浴袍？

A：部分店舖會提供即棄內褲、浴袍或者毛巾，建議預約前確認。

Q4. 脫毛後可唔可以即刻去搓澡？

A：一般唔建議脫毛後即刻做搓澡，最好等皮膚冇咁敏感之後先進行。

Q5. 可唔可以要求避開某啲唔想做嘅部位？

A：可以，大部分店舖都可以按要求避開特定部位，預約或者療程前講清楚就可以。

Q6. 沖涼用品或者護膚品要自己帶嗎？

A：多數店舖會提供基本沖涼用品，但護膚品未必齊全，如果有慣用產品，建議自己帶。

Q7. 生理期或者懷孕期間都可以做嗎？

A：因為大部分韓國1人SPA/搓澡專門店主要客群都係女性，所以就算嚟M都會有相對應療程可以提供；另外唔少鋪頭都有提供孕婦專用搓澡SPA療程，但一定要預約時提前講明，並按身體狀況決定適唔適合做。

Q8. 有冇男士都可以去嘅搓澡店？

A：有，雖然數量比較少，但好似上述介紹嘅SLICK都會同時接受男士預約！

Q9. 最遲幾日前要預約？

A：如果係人氣高嘅店舖，一般建議最少提前1星期預約。大家可以透過Creatrip直接用繁體中文同港幣預約，唔需要自己再另外聯絡店鋪咁麻煩！

Q10. 可唔可以用中文/英文溝通？

A：可提供英文溝通嘅店舖通常會較多，中文服務則視乎店舖安排而定！大家透過Creatrip預約時可以參考頁面資訊，睇下有冇你需要嘅翻譯服務。

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！